Ինչ է լենդինգը և երբ է այն ճիշտ ընտրություն
Լենդինգը մեկ էջանոց կայք է, որն ունի մեկ նպատակ․ այցելուն պիտի զանգի, լրացնի հայտը կամ պատվիրի։ Ոչ մենյու տասը բաժնով, ոչ «մեր մասին» երկար պատմություն․ մարդը բացում է էջը, հասկանում է, ինչ եք առաջարկում, ինչ արժե և ինչու արժե ձեզ վստահել, ու սեղմում է կոճակը։
Լենդինգը ճիշտ ընտրություն է, երբ՝
- ունեք մեկ ապրանք կամ ծառայություն, ոչ թե ամբողջ կատալոգ․ ատամների սպիտակեցում, պատուհանների տեղադրում, քիմմաքրում, անգլերենի դասընթաց,
- անում եք ակցիա կամ սեզոնային առաջարկ, որը պիտի արագ գնա եթեր,
- կազմակերպում եք միջոցառում, դասընթաց, վեբինար, որտեղ նպատակը գրանցումն է,
- գործարկում եք գովազդ Instagram-ում, Facebook-ում կամ Google-ում և ձեզ պետք է էջ, ուր կտանի գովազդը։
Եթե բիզնեսը մի քանի ուղղություն ունի՝ գներ ու ծառայություններ, որոնք հաճախորդը պիտի համեմատի, ավելի ճիշտ է բիզնես կայքը։ Դրա մասին՝ ներքևում։
Ինչ կա լավ լենդինգում
Ամեն լենդինգ կառուցում ենք նույն տրամաբանությամբ․ վերևից ներքև այցելուի հարցերն են և դրանց պատասխանները։
- Վերնագիր առաջարկով։ Առաջին էկրանին մարդը պիտի հասկանա, ինչ եք տալիս և ում․ ոչ թե «Բարի գալուստ», այլ «Ատամների սպիտակեցում մեկ այցով՝ 35 000 ֏»։
- Առավելություններ։ 3–6 կետ՝ ինչու ձեզ մոտ, ոչ թե մրցակցի։
- Լուսանկար կամ տեսանյութ։ Իրական աշխատանք, իրական մարդիկ, ոչ ստոկային նկար։
- Գներ։ Եթե գինը թաքցնում եք, մարդը գնում է այնտեղ, որտեղ գրված է։
- Կարծիքներ։ Երկու-երեք իրական կարծիք՝ անունով և լուսանկարով։
- Հաճախ տրվող հարցեր։ Առաքում, ժամկետ, երաշխիք, վճարում․ այն, ինչ հարցնում են զանգելիս։
- Մեկ հստակ կոճակ, որը կրկնվում է ամեն բաժնից հետո՝ «Զանգել», «Գրանցվել», «Պատվիրել»։
- Զանգ, WhatsApp և Telegram մեկ սեղմումով, իսկ հայտի ձևը ուղիղ ընկնում է ձեր Telegram-ը․ ոչ մի էլ․ փոստ, որը ոչ ոք չի բացում։
Հեռախոսի տեսքը ստուգում ենք իրական սարքերի վրա, որովհետև գովազդից եկողների մեծ մասը էջը հենց հեռախոսով է բացում։
Լենդինգ գովազդի համար
Լենդինգի ամենատարածված դեպքը գովազդն է․ Instagram-ում կամ Facebook-ում մարդը տեսնում է ձեր առաջարկը, սեղմում է, և նրան պետք է տանել էջ, որը շարունակում է նույն խոսակցությունը՝ նույն առաջարկը, նույն գինը, նույն կոճակը։ Google-ի գովազդում նույնն է, միայն թե մարդը արդեն փնտրում էր ձեր ծառայությունը։
Ինչ ենք անում, որ գովազդի գումարը չվատնվի․
- Արագ բեռնում հեռախոսում։ Ծանր էջը փակում են մինչև բացվելը, իսկ ամեն սեղմման համար դուք արդեն վճարել եք։
- Google Analytics և Meta pixel։ Միացնում ենք, որ տեսնեք, որտեղից են եկել այցելուները և ինչ են արել։
- Կոնվերսիա։ Այսպես է կոչվում այն պահը, երբ այցելուն դառնում է հայտ՝ զանգ, ուղարկված ձև, WhatsApp-ի նամակ։ Այդ իրադարձությունները նշում ենք, որ գովազդային կաբինետում տեսնեք ոչ թե «սեղմումներ», այլ իրական հայտեր։
Ազնիվ լինենք․ մենք կառուցում ենք էջը և միացնում ենք չափումը։ Գովազդը՝ թիրախավորում, բյուջե, տեքստեր, ամենօրյա հետևում, ձերն է կամ մարքեթոլոգի գործն է, եթե առանձին չենք պայմանավորվել։ Լավ լենդինգը վատ գովազդը չի փրկի, բայց լավ գովազդը վատ լենդինգով կորցնում է կեսը։
Ինչպես է ընթանում
Լենդինգը պատրաստ է 3–4 աշխատանքային օրում՝ այն պահից, երբ տեքստն ու լուսանկարները մեզ մոտ են։
- Օր 0 — բրիֆ։ Գրում եք Telegram-ով կամ WhatsApp-ով։ Հարցնում ենք, ինչ եք առաջարկում, ում, ինչ պիտի անի այցելուն, կա՞ լոգո, տեքստ, լուսանկար։ Նույն օրը ֆիքսում ենք գինն ու ժամկետը գրավոր։ 50%՝ սկզբում։
- Օր 1 — տեքստ և կառուցվածք։ Դասավորում ենք բաժինները՝ ձեր տեքստով կամ մեր գրածով, ցույց ենք տալիս առաջարկի վերնագրի 2–3 տարբերակ։
- Օր 2–3 — կառուցում։ Ընտրում եք պատրաստի դիզայններից կամ նկարագրում եք ձերը։ Էջը տեսնում եք առցանց հասցեով՝ պատրաստվելու ընթացքում, և ասում եք, ինչ փոխել։
- Օր 4 — եթեր։ Հրապարակում ենք ձեր .am դոմեյնով, միացնում ենք Analytics-ը, pixel-ը և Google Search Console-ը, ցույց ենք տալիս ադմին վահանակը։ 50%՝ երբ էջն արդեն առցանց է։
Ինչ արժե
| Ծառայություն | Գին |
|---|---|
| Լենդինգ (1 էջ, 1 լեզու) | 100 000 ֏ |
| Լրացուցիչ էջ | 12 000 ֏ |
| Լրացուցիչ լեզու | 45 000 ֏ |
| Լոգո | 36 000 ֏ |
| Տեքստի գրում | 6 000 ֏ / էջ |
| Շտապ պատվեր | +30% |
Գնի մեջ են .am դոմեյնը ձեր անունով, հոսթինգն ու SSL-ը առաջին տարվա համար, ադմին վահանակը, Google-ի հիմքը և առաջին ամսվա ուղղումները։ Սպասարկումը ընտրովի է՝ 18 000 ֏ ամսական, առանց դրա էլ էջը շարունակում է աշխատել։ Վճարումը՝ 50% սկզբում, 50%՝ հրապարակումից հետո։ Ձեր դեպքի գինը կարող եք հաշվել հաշվիչում։
Լենդինգ, թե ամբողջական կայք
Ընտրեք բիզնես կայքը (150 000 ֏), եթե՝
- ունեք մի քանի ծառայություն, որոնցից յուրաքանչյուրն իր էջին է արժանի,
- ուզում եք, որ ձեզ Google-ում գտնեն տարբեր հարցումներով, ոչ միայն գովազդով (ինչպես՝ այս հոդվածում),
- պետք է «մեր մասին», թիմ, բլոգ, մի քանի կոնտակտ։
Եթե վաճառում եք ապրանքներ զամբյուղով և առցանց վճարումով՝ դա արդեն օնլայն խանութ է։
Լենդինգը փակուղի չէ։ Կառուցում ենք այնպես, որ հետո էջեր ավելանան՝ 12 000 ֏ յուրաքանչյուրը, առանց սկզբից սկսելու։ Շատերը սկսում են լենդինգով, տեսնում են, ինչ են փնտրում հաճախորդները, և մի քանի ամիս հետո մեծացնում են։
Մենք Երևանում ենք, բայց լենդինգ պատրաստում ենք ողջ Հայաստանի համար․ հանդիպել պարտադիր չէ, ամբողջ ընթացքը Telegram-ով կամ WhatsApp-ով է։